韓國蜜糖芝麻脆條條

我一向都鍾意食咸嘢！所以呢包零食放咗我視線範圍內好耐，都未被我鯨吞！

今日終於有同事開！第一眼好似新年全盒入面D糖果！

整體是又甜又硬！雖然包裝袋寫係芝麻條，不過食唔出！

食食吓突然間有一條某部分就有一大堆芝麻！再硬咗！

如果喜歡食甜嘢，又想下午茶時間有點胞卜卜，可能係一個選擇！

購入地點：759阿信屋

毒my分數：3分 （10分滿分）

星版媽咪麵

來自星加坡的媽咪麵！

朋友去完星加坡，其一手信就係來自星加坡的媽咪麵！

它的SIZE比起一般香港買到的媽咪麵細一半。

味粉重要係同包麵分開的。如果唔見咗真係想喊！

麵嘅質地同埋味道都同香港嘅差不多。

不過味粉就比香港淡。

同埋好似無咁「痴」身，我已經shake咗好多次，食嘅時候D麵都好似痴唔到味粉。

毒my分數：6分 （10分滿分）